Ֆոտոխցիկից կաշկանդվում են, լրագրողների հարցերին էլ  մի տեսակ կծկտուր պատասխաններ տալիս: Բայց  քիչ անց ամեն ինչ փոխվում է, ընկերանում են, լրագրողների հետ, սկսում ազատ շփվել, իսկ  այ «Սուրբ Էջմիածնի երիտասարդներ»-ի հետ հարաբերությունները բավականին ջերմ են, եթե լրագրողները հազվադեպ են իրենց հյուր լինում, ապա «Սուրբ Էջմիածնի երիտասարդներ»-ը ամեն շաբաթ նրանց այցելում են:

Հունվարի 13-ին  մեր Տեր ու Փրկիչ  Հիսուս  Քրիստոսի անվանակոչության օրը, «Սուրբ Էջմիածնի երիտասարդներ»-ը, խմբի պատասխանատու Հայր Թովմա Խաչատրյանի ու սարկավագների հետ մի փոքր ավելի մեծ խմբով էին այցելել «Զատիկ» մանկատան սաներին: Առիթը Տնօրհնեքի արարողությունն էր, որից հետո երիտասարդները ու երեխաները հավաքվեցին արդեն  քաղցրավենիքներով լեցուն  սեղանի սուրջ: Երիտասարդներից` Վահանը քրիստոնեական տարբեր հարցեր էր պատրաստել, որոնց պատասխանող երեխաները Հայր Սուրբից նվեր էին ստանում ` խաղալիքներ ու հոգևոր գրքեր:

 Երեխաներից` Հայկը, որ բավականին աշխույժ ու ժպադեմ մի երեխա էր, այնքան էր կապվել  «Սուրբ Էջմիածնի երիտասարդներ»-ից Աննայի հետ, որ խոստացավ, երբ ինքը մեծանա, ամուսնանա ու աղջիկ ունենա, անունը անպայման Աննա է դնելու:

«Մարտ ամսից  սկսել են հաճախել «Զատիկ» մանկատուն, առաջին իսկ օրվանից շատ ջերմ  կապ ստեղծվեց երեխաների և հոգևորականների միջև,- ասում է Արմեն սարկավագը, ով  «Սուրբ Էջմիածնի երիտասարդներ»  համախմբման «Զատիկ»  մանկատանը անցկացվող  «Հոգու լույս»  ծրագրի պատասխանատուն է և մանկատան ամենասիրված ու սպասված հյուրերից մեկը,- և արդեն  սկսվեց ամենշաբաթյա հանդիպումը երեխաների հետ, որը գնալով էլ  ավելի խորացավ և վերածվեց մտերմիկ ու ընկերական հարաբերությունների: Ամեն անգամ երբ հանդիպում, ենք երեխաներին և զգում թե ինչքան սպասված ենք իրենց համար, այդ ժամանակ ուզում ես  անել այն ամենը ինչ որ պետք է անի յուրաքանչյուր քրիստոնյա և առավել ևս հոգևորականը,  ամեն հանդիպումը դառնում է արձակովող մի նոր սերմ, որը հուսանք պտուղներ կտա և այտեղից դուրս կգան արժանի քրիստոնյաններ: Իսկ այսօր մեր այստեղ գտնվելու առիթը Սուրբ ծննդյանը  հաջորդող տնօրհյնաց  արարողություն կատարելն է քանզի տնօրհնեքը իր բուն էությամբ Քրիստոնյա ընտանիքի ամրության հավատքի ու սիրո դրսևորումն է և Մանուկ  Հիսուսի  ճառագող լույսն էս փոխանցում այդ օջախին: Իսկ այս մանկատունը մի մեծ ընտանիք է»:

 «Շատ ուրախ եմ, որ այսօր գտնվում ենք այստեղ` երեխաների կողքին և փորձում ենք ապահովել նրանց ամանորյա տրամադրությունը: Մեր նպատակը պարզապես մանկատուն այցելելը չէ, այլ երեխաների հետ մտերմություն ստեղծելը, և մեր պարբերաբար այցելությունները օգնեցին կապ ստեղծել նրանց հետ: Այսօր այնքան ենք մտերմացել երեխաների հետ, որ մեկ ընտանիքի նման ենք դարձել: Երեխաները արդեն ընտելացել են մեզ, իսկ մենք պատասխանատու ենք նրանց առաջ , ում ընտելացնում ենք,- ասում է համախմբման անդամներից` Ռուբինան»:

 Հրաժեշտին երեխաները  չէին  ուզում բաժանվել ու բավականին երկար ճանապարհ էին դնում  իրենց սպասված հյուրերին, ու անընդհատ կրկնում, որ անհամբեր կսպասեն հաջորդ այցելությանը: