 Համացանցը բաց է, բոլորի համար / ցավոք սրտի/ այստեղ բոլորը կարող են արտահայտվել ինչ ուզում են /մնալով անպատիժ /: Այստեղ դու կարող ես հանդիպել, ասենք տեսահոլովակի, որտեղ սարերից իջած երկու ձիավոր/ մեկը հավանաբար աղջիկ/ ամբողջ ընթացքում ծամոնը որոճալով, անհասկանալի բառերով ու թուրքական երաժշտությամբ երգ են երգում: Կամ էլ մեկը իրենց գյուղից մի աղջիկ երեխայի մի քանի էրոտիկ ֆիլմ ցույց տալով սովորեցրել է լկտի շարժումներ անել ու տեսահոլովակ է սարքել, մյուսներն էլ նայում «վայելում» են, այդ մանկապղծությունը /դիտումների թվից ելնելով/: Մի չարացածի մտքով հանկարծ անցել է վիրավորել դերասանուհիներից մեկին, կամ էլ հաշվել մի երգչուհու փողեր, կամ էլ որոշել է իր ներսի թույնը դուրս թափել, ասելով, որ այս ինչը սիրեկանի օգնությամբ է «մարդ» դարձել: Մեր «խելոք» լրատվամիջոցները կկենտրոնան այդ գրառման /ընդամենը ստատուսի/ վրա ու դա կսարքեն նյութ, սա է այսօրվա ժուռնալիստիկա՞ն:
Ուուուուուուուուուուուուուու մի ամբողջ ազգ «վրա կտա»: Կեսը կսկսի լավ գրել, մյուս կեսը` վատ, ու էլ գող փիսո, էլ քաչալ շուն, մեկ էլ կզգաս արդեն շունը տիրոջը չի ճանաչում, դիվանբաշի էլ չկա, բանը հացնենք նրան: Ու վերջին շրջանում ամենից շատ բոլորը կենտրոնացել են Հայ Առաքելական եկեղեցու ու Ամենայն Հայոց Կաթողիկոսի վրա: Ասենք ով է ասել, որ ձվից նոր դուրս եկած ամեն մի թրթուռիկ պիտի իրեն իրավունք վերապահի, վիրավորել Վեհափառին, կամ բարձրաստիճան հոգևորականներին, ու «ԴՈՒՔ» չափահաս և «ՔԱՂԱՔԱԿԻՐԹ» մարդիկ, փոխանակ դատապարտելու նման անբարո արարքները, պիտի ոգևորեք այդ մանկամտությունը. դուք իսկապես այդքան պարզունակ ուղեղ ունեք, որ կարծում եք Վեհափառը Տերունական աղոթքը չգիտի՞: Թե դուք բոլորդ անթերի եք, կատարյալ, ու անսխալական:
Եկեք ոչ մեկս երբեք չմոռանանք մեր անցյալը ու չդապարտենք ուրիշների ներկան, որովհետև չգիտենք ինչ է սպասվում մեզ ապագայում:
Փաստորեն այսօր համցանցում ճակատագրեր են որոշվո՞ւմ: Փաստորեն մեզանից ցանկացածը կարող է հայտնվել մի ամբողջ համցանցային ոհմակի թիրախում ու «կործանվել», սա մարդկությո՞ւն է, դուք ձեզ երբեք հարց չեք տալիս, ինչ բարոյական իրավունք ունենք մարդկանց այդքան հոգեպես ցավեցնելու և բիծ թողնելու նրաց կյանքում: Երբ մեկը օգնության կարիք ունի, դուք երբեք այդպես պատրաստակամ ու ակտիվ չեք, բայց եթե քարկոծելու հարց կա, բոլորդ ամենամեծ քարերն առած շարքի առջում կանգնած եք, ինչո՞ւ.....
|
Main / Blog 
