Նախաձեռնությամբ Մայր Աթոռ Սուրբ Էջմիածնի Միջեկեղեցական հարաբերությունների բաժնի և աջակցությամբ ԵՀԽ Հայաստանյան միջեկեղեցական բարեգործական Կլոր սեղան հիմադրամի, սեպտեմբերի 28-30-ը Ծաղկաձորի Գրողների միության հանգստյան տանը տեղի ունեցավ հանդիպում` էկումենիկ ծրագրի շրջանակներում: Էկումենիզմը քրիստոնեական շարժում է, որը նպատակ ունի համախմբել բոլոր քրիստոնյա եկեղեցիները և բերել Քրիստոնեական միության: Ծրագիրը կրում էր «Դեպի մեծ աշխարհ: Քայլ առաջին… » խորագիրը, որին մասնակցում էին մրցութային կարգով նախորոք ընտրված 21 երիտասարդներ: Նրանք ընտրված էին Հայաստանյայց Առաքելական Սուրբ եկեղեցու թեմերի երիտասարդաց միություններից, քրիստոնեական երիտասարդկան ծրագրերից, Հայ Կաթողիկե եկեղեցուց, և տարբեր բուհական հաստատություններից: Ծրագրի նպատակն էր երիտասարդների շրջանում բարձրացնել իրազեկությունը էկումենիզմի մասին և խրախուսել ակտիվ երիտասարդների մասնակցությունը էկումենիկ կառույցներում: Ծրագրի ընթացում երիտասարդները տեղեկացան, թե ինչ է էկումենիզմը, որն է նրա գաղափարը, նպատակը և ուղղվածությունը, երիտասարդների / հայ / դերը էկումենիկ շարժման մեջ, Հայ Առաքելական եկեղեցին էկումենիկ շարժման մեջ և թեմային հարող այլ հարցերի մասին: Ծրագրի նման փորձառություն Հայաստանում տեղի էր ունենում առաջին անգամ, որը այսուհետ կկրի շարունակական բնույթ:
Main / Blog 
Նախաձեռնությամբ Մայր Աթոռ Սուրբ Էջմիածնի Միջեկեղեցական հարաբերությունների բաժնի և աջակցությամբ ԵՀԽ Հայաստանյան միջեկեղեցական բարեգործական Կլոր սեղան հիմադրամի, սեպտեմբերի 28-30-ը Ծաղկաձորի Գրողների միության հանգստյան տանը տեղի ունեցավ հանդիպում` էկումենիկ ծրագրի շրջանակներում: 
