Մայր Աթոռ Սուրբ Էջմիածնի Դիվանատան Հասարարական կառույցների հետ հարաբերությունների գրասենյակը և Հայ Եկեղեցու Երիտասարդաց Միավորման գրասենյակը «Ճանաչենք մեր եկեղեցին» ծրագրի շրջանակներում կազմակերպել էին Ուրախ Սուրբ Ծնունդ խորագիրը կրող բարեգործական ակցիան: Այսօր առաջնորդությամբ Հոգեշնորհ Տեր Երեմիա աբեղա Աբգարյանի` ծրագրի մասնակից ակտիվ երիտասարդները եղան Արթիկի թեմի Արևշատ համայնքում: Երիտասարդների խմբին դիմավորեց համայնքի հոգևոր հովիվ Արաժանապատիվ Տեր Օշին քահանա Հայարպետյանը և ուղեկցեց դեպի Սուրբ Աստվածածին եկեղեցի: Այստեղ հավաքված մանուկների համար օրհնության կարգ կատարվեց, ապա նրանք ստացան ամանորյա նվերներ: Երիտասարդները հոգևորականների ուղեկցությամբ այցելեցին գյուղի սոցիալապես անապահով ընտանիքներ և բաժանեցին սննդի կապոցներ: Այդ տներում հոգևորականները Տնօրհնեքի արարողություն կատարեցին և զրույցներ ունեցան ընտանիքների անդամների հետ: Ծրագրին իրենց մասնակցությունն ու աջակցությունն էին բերել Համաշխարհային Հայկական կոնգրեսի երիտասարդական կազմակերպությունների ասոցիացայի անդամ հասարակական կառույցները, Երիտասարդություն Հասարակական Կազմակերպությունը: Ծրագրվում է նմանատիպ նախաձեռնությունները դարձնել շարունակական: