Ես կգամ, երբ մութն ընկնի, Վերհուշի արահետով հին: Երբ գերհոգնած օրվա վերջում Դու կուզես առնել հանգիստ, Կվառես սխամորճը քո, Կնստես քո սիրած աթոռին, Կփակես աչքերդ կապույտ Ու կուզես առնել հանգիստ: Այդ ժամ կմոտենամ ես քեզ, Կսեղմեմ գլուխդ կրծքիս, Մատերս կխաղան վարսերիդ հետ, Ու կզգամ զարկերը սրտիդ: Կվայելեմ ժպիտը քո մեղմ, Քո բույրը իմ քիմքին հաճո, Ու կմնամ քեզ այդպես գրկած Մինչև դու հանգիստ ննջես: Ու այսպես ամեն երեկո, Ինձ կթվա գալիս եմ քո մոտ: Ու այսպես ամեն երեկո, Քեզ կթվա խաղում եմ վարսերիդ հետ: Գիտե՞ս, թե քեզ որքան եմ կարոտել...
Main / Blog 
