 Հունիսի 27-ին` ԱՀԹ Սուրբ Սարգիս եկեղեցու ՙԱրարատ՚ հոգևոր միության հոգևոր հովիվ Տեր Հակոբ քահանա Խաչատրյանի առաջնորդությամբ միության անդամները եղան Կեչառիսի վանական համալիրում: Ուխտավորները վանքի Սուրբ Կաթողիկե եկեղեցում միջօրեի ժամերգություն և համատեղ աղոթք կատարեցին:
Հանգստից և ճաշից հետո, երեկոյան ժամը 19:00-ին Ծաղկաձոր քաղաքի Գրողների միության հանգստյան տանը ՙԱրարատ՚ հոգևոր միության ՙԱրարատ՚ երգչախումբն ու ՙԱրարատ՚ պարա խումբը հանդես եկան
համերգային ծրագրով: Ամեն տարի Մայր Աթոռ Սուրբ Էջմիածնի Քրիստոնեական դաստիարակության կենտրոնը` ի դեմս տնօրեն Տեր Վարդան վարդապետ Նավասարդյանի, Եկեղեցու և կառավարության կապերի բաժնի ղեկավար Կարինե Հարությունյանի և Հայաստանի <World Vision> կազմակերպության աջակցությամբ կազ մա կեր պում են համագումար, որին մասնակցում են Հայաստանի Հանրապետության բոլոր մարզերի հոգևորականներ և մոտ 90 կիրակնօրյա դպրոցների ուսուցիչներ: ՙ Կիրակնօրյա դպրոցների հիմնական նպատակը կրոն սովորեցնելն է. եկեղեցական խորհրդաբանությունը, մեր Առաքելական Սուրբ եկեղեցու պատմությունը, դավանաբանությունը, խորհրդաբանությունը,- ասում է
հայր Վարդանը` հավելելով, որ, Հանրապետության տարբեր մարզերում գործող կիրակնօրյա վարժարանների ուսուցիչները տարին մեկ անգամ հավաքվում են Ծաղկաձորում` վերապատրաստման նպատակով: - Դա մեկ շաբաթյա ծրագիր է,- նշում է հոգևոր հայրը,- որի ընթացքում միասին աղոթում ենք, դասը վարելու մեթոդաբանություն սովորում` բովանդակային առումով լուրջ պատրաստվելով դասին: Այսինքն, տարբեր հոգևորականներ, Աստվածաշնչի մասնագետներ, Եկեղեցու պատմության մասնագետներ,
մեթոդաբաններ գալիս և հանդիպում են ունենում ու իրենց փորձը, իրենց գիտելիքները կիսում ուսուցիչների հետ: Ուխտագնացություն ենք կազմակերպում, եկեղեցում ժամերգության և քարոզների մասնակցում: Այսպես ասած, հանգիստը և աշխատանքը համատեղվել է այստեղ: Յուրաքանչյուր ծրագրի ընթացքում մեկ օր գեղարվեստական ծրագիր է լինում: Սերտ համագործակցություն ունենք ՙԱրարատ՚ հոգևոր միության հետ: Քանի որ միության անդամները քրիստոնեական դաստիարակության կենտրոնի մի քանի ծրագրերին մասնակցել և հանդես էին եկել իրենց գեղեցիկ կատարումներով, ցանկացանք, որ երգի և պարի կատարումներով մեր ուսուցիչների համար էլ հոգևոր միջավայր ստեղծեն:
Նրանց հրավիրել ենք և շատ ուրախ ենք, որ եկել են՚:
Համերգը բաղկացած էր երկու մասից: Առաջին մասում ՙԱրարատ՚ երգչախմբի անդամները ներկայացան  հոգևոր կատարումներով: Երկրորդ մասում ՙԱրարատ՚ երգչախմբի անդամները, և ՙԱրարատ՚ պարախումբը ներկայացրեցին ավելի ուրախ երգ ու պար` ծրագրի մասնակիցներին երգեցողության ու պարի միջոցով փոխանցելով հոգևոր ու ազգային զգացողություններ:
Աննա Մարմարյանը, ով կիրակնօրյա դպրոցի ուսուցիչ է և մասնակցում էր Ծաղկաձորում անցկացվող վերապատրաստման ծրագրին, միության համերգից հետո այսպես արտահայտվեց. ՙ Շատ ուրախ եմ, որ այս
ծրագրի շրջանակներում մեզ հյուր է եկել ՙԱրարատ՚ հոգևոր միությունը` համերգային ծրագրով: Գեղեցիկ համերգ էր, հիասքանչ համարներով, գերված եմ այսմիության բազմաբեղուն աշխատանքներով: Առիթ եմ ունեցել մասնակցել նրանց խոկումներին, էթիկայի դպրոցին և մի շարք միջոցառումների:
Հիացած եմ միության անդամների ջերմ ու ընտանեկան հարաբերություններով՚:
Միջոցառումն ավարտվեց ներկաների համատեղ ազգային պարով և ուրախ մթնոլորտով:
Հեղինե ՄԱՐԳԱՐՅԱՆ
|
Main / Blog 
