Մայր Աթոռ Սուրբ Էջմիածնի Հասարակական կառույցների հետ հարաբերությունների գրասենյակի տնօրեն Տեր Երեմիա աբեղա Աբգարյանի նախաձռնությմաբ և համատեղությամբ ՀԵԵՄ/ Հայ եկեղեցու երիտասարդաց միավորում/ գրաենյակի պատասխնատու Գևորգ Մկրտչյանի հուլիսի 12-ին մեկնարկվեց «Ճանաչենք Հայ Առաքելական Սուրբ Եկեղեցին» ծրագիրը: Ծրագիրը նպատակ ունի Հայաստանում երիտասարդական, մշակութային, կրթական, գիտական, առողջապահական և այլ ոլորտներում ակտիվ գործունեություն ծավալող Հասարակական կազմակերպությունների անդամներին ծանոթացնել Հայ Եկեղեցու պատմական անցյալին և ներկայիս առաքելությանը: Ծրագրին մասնակցում էին հասարակական կառույցների ակտիվ երիտասարդներ ( ՀԿ նախագահներ, ակտիվիստներ): Ծրագրի առաջին փուլը բաղկացած էր 4 դասընթացներից: Առաջին դասախոսությունը, որը մեկնարկվեց ԱՀԹ Առաջնորդարանի դահլիճում, Ընդհանուր գիտելիքներ Հայ Եկեղեցու մասին թեմայով էր` բանախոսը Հայ եկեղեցու երիտասարդաց միավորման հոգևոր պատասխնատու Տեր Եղիշե վարդապետ Ավետիսյան: Հայր Սուրբը երիտասարդներին ներկայացրեց. Հայ եկեղեցու անվանումները, Հայ եկեղեցու առաքելականությունը Հայ եկեղեցու սկզբնավորումը, Հայ եկեղեցու նվիրապետությունը, Հայ եկեղեցու վարչական կառուցվածքը: Երիտասարդների երկրորդ հանդիպումը Մայր Աթոռ Սուրբ Էջմիածնի Ծիսահայեցակարգային հարցերի գրասենյակի տնօրեն Տեր Զաքարիա վարդապետ Բաղումյանի հետ էր: Հոգեշնորհ Հայր Սուրբը երիտասարդներին համառոտ ծանոթացրեց Հայաստանյայց Առաքելական եկեղեցու դավանանքին: Երրորդ դասին երիասարդների հետ հանդիպում ունեցավ Մայր Աթոռ Սուրբ Էջմիածնի Հյուրընկալ Տեր Տիրայր աբեղա Հակոբյանը` Ծես և Խորհուրդ բանախոսկան թեմայով: Առաջին փուլի վերջին դասաժամը երիտասարդներն անցկացրեցին Մայր Աթոռ Սուրբ Էջմիածնում: Նախ նրանք հանդիպում ունեցան Մայր Աթոռի Վարչատնտեսական բաժնի տնօրեն Տեր Մուշեղ եպիսկոպոս Բաբայանի հետ, ով ներկայացրեց Մայր Աթոռ Սուրբ Էջմիածնի կառուցվածքը, ժամանակակից խնդիրները, գործունեության ոլորտները, շինարարական, բարեգործական, կրթական ծրագրերը: Այնուհետև երիտասարդնեը եղան Մայր Տաճարի թանգարանում, մասնակցեցին երեկոյան ժամերգությանը և հագեցած օրն ամփոփեցին Եկեղեցական հայեցակարգային հարցերի գրասենյակի տնօրեն Տեր Բագրատ եպիսկոպոս Գալաստանյանի հետ զրույցով: Բոլոր հանդիպումների ժամանակ երիտասարդներն ակտիվ հարց ու պատասխանների միջոցով ստացան եկեղեցու վերաբերյալ իրենց հուզող հարցերի պատասխանները: Ծրագրի շրջանակներում նախատեսված է ուխտագնացություն , որի ժամանակ կկատարվի ծրագրին մասնակից չմկրտված երիտասարդների մկրտության արարողություն: Ծրագիրը շորունակական է...
Main / Blog 
Տեր Երեմիա աբեղա Աբգարյանի նախաձռնությմաբ և համատեղությամբ ՀԵԵՄ/ Հայ եկեղեցու երիտասարդաց միավորում/ գրաենյակի պատասխնատու Գևորգ Մկրտչյանի հուլիսի 12-ին մեկնարկվեց «Ճանաչենք Հայ Առաքելական Սուրբ Եկեղեցին» ծրագիրը: 
Առաջին փուլի վերջին դասաժամը երիտասարդներն անցկացրեցին Մայր Աթոռ Սուրբ Էջմիածնում: Նախ նրանք հանդիպում ունեցան Մայր Աթոռի Վարչատնտեսական բաժնի տնօրեն Տեր Մուշեղ եպիսկոպոս Բաբայանի հետ, ով ներկայացրեց Մայր Աթոռ Սուրբ Էջմիածնի կառուցվածքը, ժամանակակից խնդիրները, գործունեության ոլորտները, շինարարական, բարեգործական, կրթական ծրագրերը: Այնուհետև երիտասարդնեը եղան Մայր Տաճարի թանգարանում, մասնակցեցին երեկոյան ժամերգությանը և հագեցած օրն ամփոփեցին Եկեղեցական հայեցակարգային հարցերի գրասենյակի տնօրեն Տեր Բագրատ եպիսկոպոս Գալաստանյանի հետ զրույցով: 
